Asenso Ozamiz adminstration nanawagan sa mga katawhan nga dili mo gamit ug pabuto pagsugat sa bag-ong tuig

 Ang kagamhanang lokal sa dakbayan sa Ozamis ubos sa Asenso Ozamiz Administration ug ang PNP Ozamiz mipagawas ug IMPORTANTENG PAHINUMDOM SA TANAN.

Sa panahon sa pagsaulog sa kapaskohan ug pagsugat sa Bag-ong Tuig, ang kapulisan nagbalik-balik ug pahimangno nga dili gayod mogamit ug mga pabuto ilabi kung kini ilegal.

Kini aron malikay sa disgrasya sama sa pagpaputol sa mga kulamoy, pagkabuta ug matenanus nga posibling mosangko sa kamatayon.

Nagpasidaan usab ang mga otoridad nga pihong mag-atubang ug tukmang kaso ang mga malapasong indibidwal nga maaktuhan nga nagpabuto.

Nanghinaut ang otoridad nga unta kini sundon sa tanan aron mahimong magmalipayon ang atong pagsaulog sa pagtikang sa bag-ong tuig.

Ang PNP Ozamis nagpahinumdum sa mga prohibited firecrackers nga naglakip ning mosunod:

Piccolo

Watusi

Giant Whistle Bomb

Giant Bawang

Large Judas Belt

Boga

Kwiton

Goodbye Earth

Goodbte Bading

Hello Columbia

Super Lolo

Lolo Thunder

Atomic Bomb

Atomic Bomb Triangulo

Philbox

Ang makalapas sama sa pagmanufacture, pagdistribute, pagbaligya o paggamit niini mag-atubang ug penalty ilawom sa EO 28 magmulta ug 20-30 mil pesos, pagkabilanggo nga dili moubos sa 6 ka buwan ug dili usab molapas sa usa ka tuig. O susama kining ipamhatang ngadto sa malapason.///

( RNG)