PDP-Laban Sec. Gen. Matibag ug Sen. Pacquiao, nagka-initay sa Senate hearing

 

Nahimong init ang hearing para sa tinuig nga budget sa Department of Energy (DoE) niining Huwebes.

 

Sa pagpangutana  ni Sen. Manny Pacquiao, naugkat lakip ang isyu sa mga nakapuwestong kabanay sa mga opisyal nga miatubang sa pagdungog.

 

Lakip  sa nahisgutan ang asawa ni TransCo president Melvin Matibag, nga mao usab ang secretary general sa PDP-Laban Cusi faction.

 

Apan imbes nga mopasupot og pangutana ug tubag, nahimong init ang sitwasyon sa hearing ug mitaas ilang mga boses.

 

Giakusahan usab ni Matibag ang pagdungog sa komite para sa pondo  nga nahimong political hearing. Gialmahan kini sa panel chairman nga si Sen. Sherwin Gatchalian ug sa ubang meyembro sa komite.

 

Gipasabot niini, unfair ang pagtawag ni Matibag nga napolitika ang ilang public hearing. Gumikan sa panghitabo, gipapahawa  ni Gatchalian sa virtual meeting si Matibag.

 

Nangayo usab ug pasaylo si Energy Secretary Cusi sa gipakitang taras sa iyang kaalyado sa partido nga si Matibag.

 

Gipadayon usab ang hearing, human  ang naasoyng panghitabo.///