ZERO INTEREST LOAN SA MGA GOVERNMENT WORKERS PROPOSAL NGA BALAOD NI CONGRESSMAN ANDO OAMINAL

Nag sang-at karon ug proposal na himoong balaod ngadto sa Congresso si Misamis Occidental 2nd District Congressman Ando Oaminal ug Zero interest loan para sa tanang empleyado sa gobyerno.

Sa House Bill 2119, si Misamis Occidental Rep. Ando Oaminal niingon nga bisan og giila ang importanteng tahas sa mga kawani sa gobyerno sa paghatod sa serbisyo ngadto sa katawhan, kasagaran sila kulang og sweldo.

Kini ang iyang nakita nga rason nganong kinahanglan pa nga mo loan o mangutang ang mga empleyado sa gobyerno bisan ug dagko kini'g interes.

Ubos sa maong sugyot, ang usa ka empleyado sa gobyerno mahimong maka loan o mangutang nga walay interes bisan paman ug pareha kadako sa 12months nga sweldo. Ang pag bayad niini ang ikaltas sa iyang sweldo sulod sa unom ka tuig.

"It’s about time that we give our government employees an opportunity to draw water from the well, without being crippled by debilitating interest charges in their moment of need,” sigun pa ni Cong. Oaminal.

Gumikan sa pagtaas sa presyo sa mga palaliton, si Cong. Ando Oaminal niingon nga daghan ang moduol sa mga unregulated ug unregistered money lenders nga maningil og taas nga interest.